Молитва на Новый год
в Российской Империи.
Владыко Господи Боже наш, Источниче жизни и безсмертия, всея твари видимыя и невидимыя Содетелю, времена и лета во Своей Власти положивый, и управляяй всяческая премудрым и всеблагим Твоим Промыслом! Благодарим о щедротах Твоих, яже удивил еси на нас в мимошедшее время жития нашего. Молим Тя, всещедрый Господи: благослови венец наступающаго лета Твоею благостию: сохрани возлюбленнаго раба Твоего, Благочестивейшаго, Самодержавнейшаго, Великаго Государя нашего, И м п е р а т о р а [ Его же имя, Господи, Ты веси] всея России: и Супругу Его, Благочестивейшую Государыню, Императрицу [...]: Матерь Его, Благочестивейшую Государыню, Императрицу [...]: Наследника Его, Благовернаго Государя Цесаревича и Великаго Князя [...], и весь Царствующий Дом. Умножи дни жития Их в непоколебимем здравии, и во всех добродетелех преуспеяние Им даруй. Подаждь свыше благая Твоя и всем людем Твоим, здравие же и спасение и во всем благое поспешение. Церковь Твою Святую, град сей и вся грады и страны от всякаго злаго обстояния избави, мир и безмятежие тем даруй: Тебе Безначальному Отцу, со Единородным Твоим Сыном, Всесвятым и Животворящим Твоим Духом, во Едином Существе Славимому Богу, всегда благодарение приносити и Пресвятое Имя Твое воспевати да сподобиши.
Возглашение:
Слава Тебе Богу, Благодателю нашему, во веки веков.
(В молитве после слова “Императора” должны следовать имя и отчество Государя, но так как в настоящий момент мы их не знаем, следует произносить вставку “Его же имя, Господи, Ты веси”. Эта вставка временна и служит надежным препятствием для разного рода лукавых или находящихся в прелести людей, являющихся самозванцами. Её можно и не произносить, читая так: “Императора всея России”. То же самое следует делать в местах пропусков [...] имён и отчеств Супруги, Матери и Наследника Государя Императора. Временно мы не знаем их, но наступит такое благословенное время, когда Господь откроет эту тайну, тогда можно будет легко вставить Царственные имена и отчества в молитвы).
Тропарь, глас 4
Благодарни суще недостойнии раби Твои, Господи, о Твоих великих благодеяниих на нас бывших, славяще Тя хвалим, благословим, благодарим, поем и величаем Твое благоутробие, и рабски любовию вопием Ти: Благодетелю Спасе наш, слава Тебе.
Слава, глас 3
Твоих благодеяний и даров туне, яко раби непотребнии, сподобльшеся, Владыко, к Тебе усердно притекающе, благодарение по силе приносим, и Тебе яко Благодетеля и Творца славяще, вопием: слава Тебе, Боже прещедрый.
И ныне, глас 2
Всея твари Содетелю, времена и лета во Своей Власти положивый, благослови венец лета благости Твоея, Господи, сохраняя в мире И м п е р а т о р а и град Твой, молитвами Богородицы, и спаси ны.
Источник :
Молитвы Господу Богу, Пресвятей Богородице и Святым Угодником Божиим, чтомыя на молебнех и иных последованиих, Петроград, Синодальная типография, 1915 г., лист 4.